Azərbaycan millisinin qılıncoynadanı Vahab Fətullayev Estoniyanın Tartu şəhərində keçirilən beynəlxalq "Baltic Cup" turnirində bürünc medal qazanıb.
İdman.biz xəbər verir ki, 20 yaşadək şpaqaçıların şəxsi yarışında mübarizəyə 1/16 finaldan başlayan idmanı bu mərhələdə latviyalı Aleksejs Malinovskisi 15:12 hesabı ilə məğlub edib.
Vahabın 1/8 finalda da rəqibi Latviya şpaqaçısı olub. Şpaqaçımız bu dəfə Nikita Aniskoya 15:6 hesabı ilə qalib gəlib. Təmsilçimiz yarımfinala yüksəlmək uğrunda keçirilən qarşılaşmada eston Nikita Doronini 15:14 hesabı ilə üstələyib. Bürünc medalı təmin edən Vahab Fətullayev finalın bir addımlığında estoniyalı Marek Puhma 13:15 hesabı ilə uduzub.
İdman.biz
