...Yeni avtomobillərin qiyməti artmağa davam etsə də, işlənmiş avtomobil bazarı populyar olaraq qalır. Mütəxəssislər 2024-cü ildə ən tez satılan işlənmiş avtomobillərin adını açıqlayıblar.
SİA-nın məlumatına görə, “Ekspress” nəşri yazır ki, alıcılar bu avtomobillərin orta qiymətini asanlıqla ödəyəcəklər....“AA Cars” işlənmiş avtomobil pərakəndə satış platformasının direktoru Ceyms Hoskinq 2024-cü il ərzində yolsuzluq avtomobillərinə tələbatın güclü olduğunu söyləyib.
...Yolsuzluq avtomobillər ardıcıl ikinci ildir ki, 2024-cü ilin ən tez satılan avtomobilləri siyahısına başçılıq edir. Bu çoxfunksiyalı avtomobillər ailələr arasında yüksək tələbatla qarşılanır, yığcam yolsuzluq avtomobilləri geniş ehtiyac və büdcələrə uyğunlaşdıqları üçün xüsusilə populyarlaşır. Bununla belə, yolsuzluq avtomobillərinin ən tez satılan avtomobillər olmasına baxmayaraq, ilk onluğa yalnız iki avtomobil daxildir - Land Rover Defender və Volkswagen Tiguan.
Bunu Hoskinq qeyd edib.
“AA Cars”-a görə, 2024-cü ildə ən tez satılan istifadə edilmiş model cəsarətli görünüşü və möhkəm quruluşu ilə tanınan kompakt krossover Toyota C-HR-dir.
“AA Cars” araşdırması, yolsuzluq avtomobilləri və yığcam krossoverlərlə yanaşı, 2024-cü ildə işlənmiş avtomobil bazarında premium markalı modellərin də yüksək tələbata malik olduğunu müəyyən edib.
Mercedes-Benz GLA siyahıda ikinci avtomobildir və çoxları görünüşü, təsir edici texnologiyası, geniş arxa sərnişin sahəsi olduğu üçün bu yolsuzluq avtomobilini seçir.
Mercedes-Benz A Class və GLC məşhur 3-Series-in ən güclü versiyalarından biri olan BMW 330 və X3 ilə birlikdə ilk onluğa daxil olub.
Beləliklə, ən çox satılan 10 işlənmiş avtomobil:
1. Toyota C-HR;
2. Mercedes-Benz GLA;
3. Kia Niro;
4. Volvo XC40;
5. Toyota Corolla;
6. Hyundai Tucson;
7. BMW 330;
8. Mercedes-Benz A-Class;
9. BMW X3;
10. Mercedes-Benz GLC.
Nazlı Almuradova
