Böyük Britaniyada quş qripinə yoluxma halı qeydə alınıb.
Söz.az xarici KİV-ə istinadən xəbər verir ki, bu barədə Britaniya Sağlamlıq Təhlükəsizliyi Təşkilatı (UKHSA) məlumat yayıb.
Vest Midlands sakini fermada yoluxmuş ev quşları ilə uzun müddət təmasdan sonra A(H5N1) virusuna yoluxub.
"Quş qripinin quşlardan insanlara keçməsi nadirdir və əvvəllər Böyük Britaniyada az sayda hallarda baş verib", - deyə agentlik bildirib.
Məlumata görə, ümumi əhali üçün risk çox aşağı olaraq qalır.
Həmin şəxs hazırda müalicə olunur və özünü yaxşı hiss edir.
