Yerləşdirmədən əvvəl tabor çoxsaylı zorakılıq cinayətlərində, o cümlədən bəzi ABŞ rəsmilərinin dediyinə görə, silahsız fələstinlilərin öldürülməsi və nəzarətində olan məhbusların işgəncə və cinsi istismarı da daxil olmaqla insan hüquqlarının kobud şəkildə pozulmasına səbəb ola biləcək cinayətlərdə ittiham edilmişdi.
Taborun iddia edilən qurbanları arasında 2022-ci ilin yanvarında həbs edilərkən ölən 80 yaşlı Fələstin mənşəli ABŞ vətəndaşı Ömər Əbdülməcid Əsəd də olub. ABŞ hökumətinin təzyiqindən sonra İsrail həmin ilin sonunda Əsədin ailəsinə təzminat ödəməyə razı olub. Bununla belə, ödənişin bir hissəsi olaraq, İsrail hökuməti "Netzah Yehuda"da heç kimin Əsədin ölümünə görə məsuliyyət daşımamasında israr edib.
Fələstin müdafiə analitiki Həmzə Əttar "Əl-Cəzirə" kanalına bildirib ki, "Netzah Yehuda" taboru Davud ulduzunu “Google Maps" da əks olunması üçün onların burada olduqlarının qabardılmasından ötrü düzəldib.
Əttar bildirib ki, bu akt ABŞ-ın keçmiş prezidenti Co Bayden administrasiyasının batalyona sanksiya tətbiq etmək planlarına cavab ola bilərdi. Bununla belə, avqust ayında ABŞ Dövlət Departamenti İsrail hökumətinin etirazlarından sonra kobud insan haqları pozuntularında iştirak edən xaricdəki hərbi birləşmələrə silah ötürülməsini qadağan edən özünün "Leahy" Qanunlarının pozulması ilə bağlı araşdırmasını dayandırdı . İstintaq "Netzah Yehuda" taboru üzərində cəmlənmişdi.
"Hauntologies" bülleteninin müəllifi tədqiqatçı Elia Əyyub "Biz Fələstin həyatını məhv etmək üçün lazım olan hər şeyin verildiyi bir orduda mütləq cəzasızlığın necə göründüyünü görürük", -deyə bildirib. “Hər bir soyqırımda olduğu kimi, onları törədənlər çox vaxt öz simvollarını qurbanlarının üzərinə zorla vuraraq üstünlüklərini nümayiş etdirməkdən həzz alırlar. İsrail ordusu fələstinlilərin bu soyqırımından və Qəzzanın müstəmləkəçiliyindən danışan din xadimlərindən də dini vəzifə kimi istifadə edir”, - tədqiqatçı əlavə edib.
"Əl-Cəzirə" Qəzzanın şimalına həkk olunmuş Davud ulduzu ilə bağlı İsrail Müdafiə Nazirliyi ilə əlaqə saxlasa da, material dərc olunan vaxta qədər cavab almayıb.
Davud ulduzu İsrail qüvvələri tərəfindən qalan ilk simvol deyil. Qəzzada sosial mediaya yüklənən görüntülərdə əsgərlərin binaların dağıntıları arasında nəhəng menora şamları qoyması və ya digər yəhudi simvolları çəkməsi əks olunub. 2024-cü ilin oktyabr işğalından sonra Livanın cənubunda İsrail əsgərləri eyni şeyləri ediblər...
S.Laçın
