"Android" smartfonlarında bir neçə hesabdan istifadə imkanı təqdim edən "WhatsApp" messenceri, bu funksiyanı "Apple" cihazlarına da gətirməyə hazırlaşır.
Xezerxeber.az-ın məlumatına görə, bu barədə "WABetaInfo" xəbər yayıb.
Bildirilir ki, "iPhone" üçün çoxistifadəçili dəstəyin sınağı artıq başlayıb. Funksiyanın gələcək yeniləmələrdə təqdim olunacağı gözlənilir. Ekspertlərin qiymətləndirmələrinə görə, bu, bir neçə ay çəkə bilər.
"iPhone"da çoxistifadəçili dəstəyin tətbiqi təhlükəli klonlardan istifadə etmək zərurətini aradan qaldıracaq.
