Fatih Terimin rəhbərlik etdiyi "Əl-Şəbab" komandası Səudiyyə Ərəbistanı Pro Liqasının 17-ci turunun matçında "Əl-Fayha"nı qəbul edib. Qarşılaşmada meydan sahibləri 2:1 hesabı ilə qalib gəlib.Manset.az bu barədə Türkiyə mətbuatına istinadən xəbər verir. “Əl-Şabab”a qələbə gətirən qolları 34-cü və 90+6-cı dəqiqələrdə Həmdallah penaltidən vurub. "Əl-Fayhanın" yeganə qolunu 57-ci dəqiqədə Renzo Lopez vurub. Üstəlik, Fatih Terimin son anda qələbə qolunu vurduqdan sonra sevinci də diqqət çəkib. Onun iddialı davranışı kameralara tuş gəlib və internetdə yayılıb. Fatih Terim 4-cü liqa matçında "Əl Şabab"la 2-ci qələbəsini qazanıb. Bu nəticədən sonra Terimin komandası 29 xal toplayıb. Əl Fayha 15 xalda qalıb. Səudiyyə Ərəbistanı Pro Liqasının növbəti turunda “Əl Şabab” “Əl Ettifaq”ı, “Əl Fayha” isə “Əl Taavon”u qəbul edəcək.
