Ukrayna prezidenti Vladimir Zelenski İran tərəfindən saxlanılan və aylar sonra sərbəst buraxılan italyan jurnalist Sesiliya Salaya müsahibə verib.
Turkustan.az xəbər verir ki,Salanın suallarını cavablandıran Zelenski Rusiyanın müharibəyə münasibəti və ABŞ prezidenti Donald Trampla bağlı mühüm açıqlamalar verib.
Rusiyanın sülh istəmədiyini deyən Zelenski Rusiyanın yalnız güc dilini anladığını və buna görə də sülhün ancaq güc yolu ilə əldə oluna biləcəyini bildirib.
Donald Trampın Ukrayna Müharibəsini bitirmək niyyətinə toxunan Zelenski, "Tramp həqiqətən müharibəni bitirmək istəyir. Amma bunun necə edəcəyini bilmir. Biz də təfərrüatları bilmirik. Putin isə ümumiyyətlə müharibəni bitirmək istəmir”-deyə, bildirib.
Aytən Yaşar/ Turkustan.az
