“Qarabağ”ın Avropa Liqasında uğursuzluqla düçar olmasının səbəbi nədi? Martda əzəmətli “Bayer-04”ə qarşı elə fenomenal oyun göstərən komanda payızda niyə bu vəziyyətə düşdü? “Football-plus.az” bu sualı tanınmış menecer Erkin İbrahimova ünvanlayıb:
“Azərbaycan futbolunun durumu o deyil ki, “Qarabağ” kimi uğurlu təmsilçisi hər il performansı yüksək səviyyədə saxlasın. Gözləməyə dəyməz. Bir il alına bilər, başqa il alınmaz. Amma bu komanda ardıcıl 11 il qrup mərhələsində çıxış edib. Şərqi Avropada buna nail olan komanda yoxdu. Yeni gələn oyunçular tam uyğunlaşa bilmədilər. Qurban Qurbanov da görürdü ki, bir qədər “qan dəyişmək” lazımdı. Sadəcə, yeni oyunçular gözləntiləri vermir. Bu format da bizə o qədər də sərf etmir. “Qarabağ” da əvvəlki deyil. Məncə, heç bir faciə baş verməyib. Qurban Qurbanovda təcrübəli mütəxəssisdi. Komandanın zəif nöqtələrini görür. Məncə, öncə müdafiədə yeniliklər etməlidi. Əlbəttə, hücumda da dəyişikliyə ehtiyac var. Bunlar hamısı nəzərə alınacaq”.
ƏSƏD SEYİDOV
