SEPAH-A bağlı Hatəm əl-Ənbiya qərargahının koordinator müavini Əli Şadmani bəyan edib ki, İran Rusiya istehsalı olan Sukhoi 35 qırıcı təyyarələri alıb. Tribunainfo.az xəbər verir ki, qərargah rəisinin müavini təyyarələrin İrana gətirilib, gətirilmədiyini bildirməyib.
Bundan başqa, onların sayı barədə də məlumat verilməyib.
Qeyd edək ki, İran uzun zaman idi ki, Rusiya ilə SU-35-lərin alınması istiqamətində danışıqlar aparırdı. Lakin həmin danışıqlarda konkret nəticəyə gələ bilmirdilər.
Bəzi ekspertlər bildirirlər ki, İranın bu açıqlaması blef də ola bilər. Onların sözlərinə görə, Ukrayna ilə müharibə dövründə Rusiya özü kənardan silah axtarır. Üstəlik, Moskvanın aviasiyaya ciddi ehtiyacı var. Ekspertlər qeyd edirlər ki, bu fonda Rusiyanın indiki məqamda İrana qırıcı təyyarələr satması inandırıcı görünmür.
