Türkiyənin məşhur aktyorları Halit Ergenç və Rıza Kocaoğlu haqqında araşdırma başladılıb. “Qafqazinfo” Türkiyə mətbuatına istinadən xəbər verir ki, onlar yalançı şahidlik etməkdə ittiham olunurlar.
Belə ki, hər iki aktyor “Gəzi Parkı” etirazlarına öz istəkləri ilə qatıldıqlarını bildiriblər. Lakin prokurorluq Halit Ergenç və Rıza Kocaoğlunun ifadəsini etibarlı hesab etməyib..
Ergenç və Kocaoğlu ifadələrində hadisənin əsas iştirakçılarından biri olan Mehmet Ali Alabora ilə etirazlar ərəfəsində münasibət saxladıqlarını, eləcədə hadisələr zamanı birgə görüntüləri olmasına baxmayaraq əlaqədə olduqlarını inkar ediblər. Bununla da aktyorlar barədə istintaq başladılıb.
