Rusiyanın "Azimut" aviaşirkəti Federal Hava Nəqliyyatı Agentliyindən (“Rosaviasiya”) Vladiqafqaz və Bakı arasında müntəzəm reyslər həyata keçirmək üçün icazə alıb.
Bu barədə "Report" Rusiya KİV-nə istinadən xəbər verir.
İcazə bu marşrut üzrə həftədə 7 dəfəyə qədər uçuş həyata keçirməyə imkan verir.
Ötən ilin sonunda "Azimut" Azərbaycana uçuş proqramının ləğv edildiyini qeyd etmişdi.
“Rosaviasiya”dan bildirilib ki, bu icazələrin verilməsi beynəlxalq marşrutlar üzrə uçuşların bərpası üçün əsas və ya qərar deyil. İcazə - aviaşirkətin uçuşlar bərpa olunduqda istifadə edə biləcəyi hüquqdur.
Bakı və Gəncə hava limanları daşıyıcının Mineralnıye Vodı və Soçidən uçuşlar üçün slotlarını ləğv edib. Buna səbəb Azərbaycanın aviasiya orqanının uçuş icazəsini ləğv etməsidir.
