ABŞ-ın Kolorado Universitetində keçirilən atletika yarışında faciə baş verib.
Publika.az xəbər verir ki, bir tamaşaçı kürənin ona dəyməsi nəticəsində ölüb. Bu barədə CPR məlumat yayıb.
Mənbənin sözlərinə görə, hadisə yanvarın 26-da baş verib. İdmançının atdığı kürə qoruyucu sədlərin üstündən keçərək tamaşaçılara tərəf istiqamətlənib və 57 yaşlı kişiyə dəyib.
Həmin şəxsə ilkin tibbi yardım göstərilsə də, hadisə yerindəcə ölüb. Qurbanın yarış iştirakçılarından birinin atası olduğu qeyd edilir.
