QHT.az xəbər verir ki, Google öz Google Maps xidmətində Meksika körfəzinin adını Amerika Körfəzi, həmçinin Coğrafi Adlar İnformasiya Sistemində (GNIS) müvafiq dəyişikliklər göründükdən sonra Denali dağını McKinley dağı adlandıracaq.
“Bizim hökumətin rəsmi resurslarında dəyişikliklər edildikdən sonra adların dəyişdirilməsi praktikası mövcuddur. Coğrafi adlar üçün GNIS bu məqsədlərə xidmət edir. Bu [adının GNIS-də dəyişdirilməsi] baş verdikdə, biz McKinley dağı və Amerika körfəzini göstərmək üçün Google Xəritələrini dərhal yeniləyəcəyik”, - korporasiya istifadəçilərin texnologiya nəhənginin sözügedən obyektlərin coğrafi adlarını dəyişdirib-dəyişdirməyəcəyi ilə bağlı suallarını cavablandırarkən X-də bildirib.
Eyni zamanda, Google qeyd edib ki, coğrafi obyektlərin adları müxtəlif ölkələr üçün fərqli olduğu halda, bu ölkələrin sakinləri yalnız öz ölkələrində rəsmi adı görürlər. Digər regionların sakinləri üçün isə adın hər iki versiyası göstərilir.
R.İmanov
