Beynəlxalq Kollegial Proqramlaşdırma Müsabiqəsinin final mərhələsi Azərbaycanda keçirilə bilər.
"Report" bu barədə Azərbaycan Mərkəzi Bankına (AMB) istinadən xəbər verir.
Məlumata görə, qurumun sədri Taleh Kazımov Müsabiqə fondunun prezidenti və Müsabiqənin icraçı direktoru Vilyam Pauçer ilə görüş keçirib. Görüş çərçivəsində tərəflər arasında əməkdaşlığın genişləndirilməsi perspektivləri və gələcəkdə Müsabiqəsinin final mərhələsinin Azərbaycanda keçirilməsi imkanları ətrafında fikir mübadiləsi aparılıb.
