44 günlük Vətən müharibəsində qardaşı şəhid olduğu üçün ifaçılığın daşını atan Xana adlı gənc müğənnidən xəbər var.
News365.az xəbər verir ki, 5 ildir ortalıqdan yoxa çıxan gənc ifaçı yenidən bu istiqamətdə fəaliyyətini bərpa edib. Xana artıq yeni mahnı da yazdırıb və yaxın günlərdə efirdə, musiqi platformalarında mövcud olacağını açıqlayıb.
Qeyd edək ki, bir neçə il öncə bloger Rəsul Abbasovla oxuduğu duetlərlə məşhurlaşan Xana adlı gənc ifaçı 44 günlük Vətən müharibəsində qardaşı şəhid olduğu üçün bir daha bu sənəti davam etdirməmək barədə qərar vermişdi. Xananın qardaşı Əmirxan Babayev İkinci Qarabağ müharibəsinin şəhididir.
