Kiyevin mərkəzində kafedə bu gün, yanvarın 28-də axşam saatlarında naməlum şəxs 68 yaşlı kişini güllələyib. O, xəstəxanaya yerləşdirilib.
Qaziler.az RBC-Ukrayna-ya istinadən bildirir ki, bu barədə Kiyev polisinin "Facebook" hesabında məlumat verilir.
Hüquq-mühafizə orqanlarından verilən məlumata görə, bu gün saat 16:20 radələrində kafelərdən birində insident olması barədə məlumat daxil olub.
Polis ilkin olaraq kafeyə gələn 68 yaşlı şəxslə digər vətəndaşlar arasında münaqişə baş verdiyini müəyyən edib. Hadisə zamanı iştirakçılardan biri, ehtimal ki, travmatik tapançadan istifadə edib - o, yaşlı adama doğru bir neçə dəfə atəş açıb.
Hadisə yerində əməliyyat-istintaq qrupu və polis qrupları işləyir. Bütün hallar aydınlaşdırılır.
QAZİLER.AZ
