Rusiya Prezidenti Vladimir Putin ölkə rəsmilərinin və dövlət şirkətlərinin işçilərinin yerli avtomobillərə keçməsi ilə bağlı verdiyi sərəncamın hələ tam yerinə yetirilmədiyini bildirib.
Axar.az xəbər verir ki, bu barədə Kreml rəhbəri Samaraya səfəri zamanı deyib.
“Dövlət şirkətlərinə gəldikdə, əlbəttə ki, hamının yerli avtomobillərə keçməsinə sona qədər əməl etməliyik. Problem ondadır ki, ekspertlər hələ də Rusiya istehsalı olan avtomobilin nə olduğunu, bu lokallaşma səviyyəsini harada və necə hesablayacaqlarına qərar verə bilmirlər. Ancaq bu tamamlanacaq, sizə söz verirəm", - deyə Kreml rəhbəri bildirib.
