“Barselona” “Mançester Siti”nin vingeri Ceremi Dokunu transfer etmək niyyətindədir.
Sportinfo.az xəbər verir ki, bu barədə “sport.es” məlumat yayıb.
Kataloniya klubu belçikalı futbolçunu mövsümün sonuna kimi icarəyə götürmək istəyir. Ancaq maliyyə çətinliyi ilə üzləşdiklərindən, onun maaş məsələsinə görə “şəhərlilər”lə razılaşa bilməyəcəklərindən qorxurlar.
Doku özü də cari mövsümdə oyun vaxtının sayından narazıdır və daha çox oynamaq istəyir.
22 yaşlı oyunçu bu mövsüm “Mançester Siti”nin heyətində bütün yarışlarda 22 oyun keçirib, 6 qol vurub və 7 məhsuldar ötürmə edib.
Onun hazırkı klubu ilə müqaviləsi 2028-ci ilin yayına qədərdir.
