Rusiya prezidenti Vladimir Putin Ukrayna prezidenti Zelenski ilə danışıqların qanunsuz olacağını iddia edib.
Turkustan.az xəbər verir ki,Zelenski Putinin bəyanatından sonra sosial şəbəkədə bəyanat yayıb. Putinin danışıqlardan qorxduğunu bildirən Zelenski, məqsədinin müharibəni uzatmaq olduğunu iddia edib.
Zelenskinin Rusiya ilə danışıqları qadağan edən fərman imzaladığını xatırladan Putin, bu fərmanın ləğv edilməli olduğunu bildirib.
Zelenski Putinin bəyanatından 3 saat sonra sosial şəbəkədə bu iddiaya cavab verib. Zelenski: "Putin güclü liderlərdən qorxur, müharibəni uzatmaq istəyir. Hər bir addım müharibəni sonsuz etmək məqsədi daşıyır. Qarşımızda sülh şansı var, amma Putin genişmiqyaslı işğala hazırlaşarkən hibrid hücumlarını davam etdirmək üçün hər addımı atır".
Donald Tramp ABŞ prezidenti olduqdan sonra Rusiya-Ukrayna müharibəsi ilə bağlı ümidlər artdı, lakin son açıqlamalar prosesin əksinə getməyə başladığını göstərir.
Aytən Yaşar/ Turkustan.az
