Ümumdünya Səhiyyə Təşkilatı, “National Geographic” və BC Xəstəliklərə Nəzarət Mərkəzi kimi aparıcı təşkilatların fikrincə, bəzi qidaların düzgün istifadə edilməməsi ölümlə nəticələnə bilər.
Hafta.az dünyanın ən təhlükəli 5 qidasını təqdim edir:
Sannakji
Koreya mətbəxinə xas yemək olan sannakjidə ahtapot canlı şəkildə yeyilir. Ayaqcıqlardakı sovurma yastıqlarının qopmasına baxmayaraq hərəkətə davam etməsi insan sağlamlığı üçün təhlükə yarada bilər. Məlumdur ki, hər il təxminən altı nəfər sannakji yeyərkən boğularaq ölür.
Ravent
Ravent tez-tez tort və mürəbbələrdə istifadə olunan tərəvəzdir, lakin yaşıl yarpaqları zəhərlidir. Bu yarpaqlarda oksalat turşusu var. Oksalat turşusu nəfəs almaqda çətinlik, ürəkbulanma, qusma, mədə ağrıları, qıcolmalar və hətta ölümə səbəb ola bilər.
Balon balığı
Bəzi balıq növlərinin tərkibində tetrodotoksin adlı son dərəcə zəhərli maddə var. Sianiddən 1200 dəfə daha zəhərli olduğu bilinən tetrodotoksin onu qəbul edən insanı cəmi 20 dəqiqə ərzində öldürə bilər. Yaponiyada tez-tez istehlak edilən Balon balığı yalnız xüsusi təlim keçmiş aşpazlar tərəfindən hazırlanmalıdır. Tokio Qida Təhlükəsizliyi Məlumat Mərkəzi, balon balığından hazırlanan fugunun 2006-2015-ci illər arasında ən yüksək ölüm nisbətlərindən birinə səbəb olduğunu bildirib.
“Ölüm mələyi” göbələyi
"Amanita virosa" kimi də tanınan ölüm mələyi göbələyi zəhərlənmələrinin təxminən 90 faizinə səbəb olur. Bəzi cəmiyyətlərdə “səssiz qatil” olaraq da adlandırılan bu göbələyin yarısını belə yemək ölümlə nəticələnə bilər. 6-12 saat ərzində görünən simptomlar arasında ürəkbulanma, qusma, aşağı qan təzyiqi və ishal var. Bir neçə gün ərzində qaraciyər və ya böyrək çatışmazlığı inkişaf edə bilər. İngiltərə və İrlandiyanın müxtəlif yerlərində geniş yayılmış, qarmaqarışıq göbələklərə tez-tez palıd ağaclarının altındakı qarışıq yarpaqlı meşələrdə rast gəlinir.
Kassava
Kassava Mərkəzi və Cənubi Amerikada bitən kök bitkisidir. "Yucca" olaraq da bilinən bu qida dünyada təxminən 500 milyon insanın qidasının əsasını təşkil edir. Bununla belə, Kassavanın kökləri və yarpaqları siyanidə çevrilə bilən siyanogen qlikozidlər adlanan toksinləri ehtiva edir. Nyu-York Elmlər Akademiyasının “Annals” jurnalında dərc edilən hesabata görə, zəhərlənmə baş ağrısı və başgicəllənmə ilə başlaya, qıcolmalara, ayaq iflicinə və nəticədə ölümə səbəb ola bilər. Ümumdünya Səhiyyə Təşkilatı bildirir ki, hər il 200-dən çox insan kassavadan zəhərlənərək ölür və minlərlə insan daimi əlilliyə məruz qalır.
