ABŞ və Çin arasında miqrasiya böhranının miqyası böyüyür.
7News.Az Qərb mediasına istinadən xəbər verir ki, Çin ABŞ-dən deportasiya edilən və şəxsiyyəti yoxlanılan vətəndaşlarını geri qəbul etməyə hazır olduğunu açıqlayıb.
Donald Tramp administrasiyasının qeyri-qanuni immiqrasiyaya qarşı mübarizə çərçivəsində deportasiya siyasətini sərtləşdirməsi ilə rəsmi Pekinin uzun müddətdir ki, səyahət sənədlərini təqdim etməkdən çəkindiyi bildirilir.
Bununla belə, Çin Xarici İşlər Nazirliyinin sözçüsü Mao Ning Çinin "yoxlandıqdan sonra öz vətəndaşlarını geri almağa hazır olduğunu" açıqlayıb.
Ağ Ev bəyan edib ki, bütün ölkələrdən ABŞ-də qeyri-qanuni olan vətəndaşlarını geri qəbul etməyi gözləyir.
ABŞ-nin Çin şirkətləri üzərində yoxlamalarının artması və çip tədarükünün məhdudlaşdırılması Çinin süni intellekt və müdafiə sənayesi kimi kritik sahələrdə irəliləyişini çətinləşdirir.
Bundan əlavə, Pekin çip istehsalının lokallaşdırılmasına böyük sərmayələr yatırmaqla bu sanksiyalara cavab verir.
ABŞ-Çin rəqabəti təkcə iqtisadiyyat və texnologiya ilə məhdudlaşmır; Tayvan və Cənubi Çin dənizi kimi regional gərginlik nöqtələrində də eskalasiya gözlənilir.
Trampın "Öncə Amerika” siyasəti ABŞ-nin Asiyada müttəfiqliklərini zəiflədə və Çinə regionda təsirini artırmağa imkan verə bilər. Vaşinqtonun Filippin və Yaponiya kimi müttəfiqləri ilə birgə hərbi təlimləri davam etdirəcəyi gözlənilsə də, Çin də öz növbəsində regionda hərbi mövcudluğunu gücləndirməyə davam edə bilər.
O, həmçinin ASEAN ölkələri ilə sıx diplomatik əlaqələr qurmaqla ABŞ-ni regional təhlükəsizlik əməkdaşlığından kənarlaşdırmaq məqsədi daşıya bilər.
Digər tərəfdən, Cənubi Çin dənizi və Tayvanla bağlı qeyri-müəyyənliklər regional gərginliyi artıraraq qlobal təhlükəsizliyi təhdid edə bilər. ABŞ-Çin münasibətlərinin gələcəyi regional güc mübarizələri, eləcə də ticarət və texnologiya müharibələri ilə formalaşacaq.
