AZ
Mövzular
Siyasət
29.01.2025 ◦ 12:49

“Putin güclü liderlərdən qorxur” — Zelenskidən cavab

Ukrayna Prezidenti Volodimir Zelenski Rusiya Prezidenti Vladimir Putinin ukraynalı liderin yekun sülh sazişini imzalamaq hüququna malik olmadığını söyləyən bəyanatına cavab verib.

Demokrat.az xəbər verir ki, Zelenski sosial şəbəkə hesabında bu barədə məlumat yayıb.

“Bu gün Putin bir daha təsdiqlədi ki, danışıqlardan qorxur, güclü liderlərdən qorxur və müharibəni uzatmaq üçün hər şeyi edir. Onun atdığı hər addım və bütün kinli hiylələri müharibəni sonsuz etmək məqsədi daşıyır”, - Zelenski bildirib.

O qeyd edib ki, indi əsl sülhə nail olmaq üçün fürsət var, lakin Putin hər şeyi edir ki, ya ​​öldürməyə tam miqyasda davam etsin, ya da sonradan hibrid zərbələr endirməklə yeni tam miqyaslı işğal hazırlamaq üçün fasilə əldə etsin.

Zelenski dünya liderlərini Rusiyanı sülhə məcbur etməyə çağırıb:

“Dünya liderləri əvvəlki illərin və artıq səhnəni tərk etmiş liderlərin səhvlərini nəzərə almalıdırlar, yəni: Putin dünyanı məhv etmək üçün böyük gücə malikdir, lakin liderlərin real təzyiqlərinə qarşı dura bilməyəcək qədər kiçik və qorxaq bir ürəyə malikdir. Və buna görə də biz koordinasiyalı və qətiyyətli hərəkət etməliyik - sülhə inanmaq və onu güc yolu ilə yaxınlaşdırmaq üçün kifayət qədər cəsarətə malik olanların hamısı. Əgər Rusiya buna məcbur edilərsə, əsl sülh mümkündür”.

Xatırladaq ki, ötən gün Rusiya Prezidenti Vladimir Putin deyib ki, sülh danışıqları hər kəsl aparıla bilər, lakin “özünün qeyri-legitimliyinə görə” Volodimir Zelenskinin heç nəyi imzalamağa haqqı yoxdur:

Seçilən
1
50
demokrat.az

10Mənbələr