Bakı, 29 yanvar, AZƏRTAC
"Seçici fəallığı kifayət qədər diqqətçəkən səviyyədədir".
Bu sözləri AZƏRTAC-a açıqlamasında 23 saylı Nəsimi-Səbail seçki dairəsinin 15 saylı seçki məntəqəsinin sədri Fərid Hüseynov deyib.
Onun sözlərinə görə, indiyədək heç bir qayda pozuntusuna rast gəlinməyib: "Heç bir xoşagəlməz hadisə yaşanmayıb. Səsvermə prosesi demokratik şəkildə davam edir".
Məntəqə üzrə 1458 seçicinin olduğunu söyləyən F. Hüseynov onlardan 200-dən çoxunun səsvermə hüququndan istifadə etdiyini bildirib.
Məntəqə sədri bələdiyyə seçkilərinin Azərbaycan xalqı üçün faydalı olacağına inandığını da diqqətə çatdırıb.
