"Tik-Tok"da insanlara qarşı dələduzluq edən şəxs saxlanılıb.
Herbiand.az bildirir ki, Quba Rayon Polis Şöbəsinin əməkdaşları tərəfindən keçirilən tədbirlərlə əvvəllər məhkum olunmuş Tapdıq Əliyev saxlanılıb.
O, “Tik-tok” sosial şəbəkəsində iş elanları yerləşdirərək zərərçəkənlərin müxtəlif məbləğlərdə pulunu ələ keçirərək dələduzluq edib.
Faktla bağlı cinayət işi başlanılıb, araşdırma aparılır.
