Alimlər eni 60 metr olan və 2032-ci ildə Yerlə toqquşa biləcək yeni asteroid kəşf ediblər.
News24.az xəbər verir ki, mütəxəssislər '2024 YR4' adlı asteroidin 2032-ci ilin dekabrında Yerə çox yaxınlaşacağını açıqlayıblar.
Avropa Kosmik Agentliyi (ESA) və NASA-nın məlumatına görə, bu meteorit Yerə 106 min kilometr qədər yaxınlaşa bilər.
Bununla belə, orbitdəki qeyri-müəyyənlikləri nəzərə alsaq, Yerə birbaşa dəymə ehtimalı da var. Mövcud məlumatlara görə, mümkün toqquşma nöqtəsi Cənubi Amerikadan Atlantik okeanına və Cənubi Afrikaya qədər uzanan bölgəni əhatə edir. Ancaq elm adamları dəqiq məlumatın yalnız sonrakı müşahidələrlə ortaya çıxacağını bildirirlər.
Qeyd edək ki, astronomlar qarşıdakı illərdə '2024 YR4'ü yaxından izləyərək daha dəqiq hesablamalar aparmağı planlaşdırırlar. 2028-ci ildə asteroid Yerə yaxınlaşacaq və bununla da onun ölçüsü, quruluşu və orbiti haqqında daha dəqiq məlumatlar əldə ediləcək. Bu araşdırmalar nəticəsində '2024 YR4'ün 2032-ci ildə həqiqətən təhlükə yaradıb-yaratmadığı aydınlaşacaq.
Günel Məlikzadə
