“Real”ın baş məşqçisi Karlo Ançelotti Çempionlar Liqasının Liqa mərhələsinin 8-ci turunun “Brest”lə səfər oyunundan gözləntisini paylaşıb.
Arena.az AS dərgisinə istinadən, italyan mütəxəssisin bu barədə fikrini təqdim edir:
“Brest” Çempionlar Liqasında çox yaxşı çıxış edir. Onların xalı bizdən bir vahid çoxdur. Bu, çətin bir oyun olacaq. Məqsədimiz qələbə qazanmaq və yarış cədvəlini mümkün qədər yüksəkdə başa vurmaqdır. Ancaq biz ilk səkkizlikdə yer almağa köklənməmişik. Biz öz oyunumuzu oynayacağıq”, deyə Ançelotti vurğulayıb.
7 turdan sonra “Real” UEFA Çempionlar Liqasının Liqa mərhələsinin yarış cədvəlində 12 xalla 16-cı, “Brest” isə 13 xalla 13-cü pillədə qərarlaşıb.
“Brest” – “Real” oyunu bu gün, yanvarın 29-da baş tutacaq. Hakim oyunu Bakı vaxtı ilə saat 00:00-da (30 Yanvar) başladacaq.
