Livanın cənubunda işğalını davam etdirən İsrail ordusunun son iki gündə təşkil etdiyi hücumlarda 41 nəfər yaralanıb.
"Cebheinfo.az" xəbər verir ki, Livan Səhiyyə Nazirliyindən verilən açıqlamada, İsrailin Livanın cənubunda həyata keçirdiyi hücumlarda yaralananlar haqqında məlumat verilib.
Bu gün İsrail ordusunun cənubundakı Sur şəhərinin Məcdəl Salam qəsəbəsində livanlıları hədəf alan hücumu nəticəsində 5 nəfər yaralanıb.
Nazirlik İsrail ordusunun dünənki hücumlarında 36 nəfərin yaralandığını açıqlayıb.
Məlumatda İsrail əsgərlərinin evlərinə qayıtmaq istəyən Yarun qəsəbə sakinlərinə atəş açması nəticəsində 6 nəfərin, Zutar qəsəbəsində isə 10 livanlının yaralandığı bildirilib.
İsrail ordusunun Nebatiye Fevka qəsəbəsində silahlı pilotsuz təyyarə ilə həyata keçirdiyi hücumda 20 nəfər yaralanıb.
