“Müdafiədə çoxlu səhvlərə yol verdik”.
İdman.biz xəbər verir ki, bunu “Ordu” basketbol klubunun məşqçisi Anar Hacıyev Azərbaycan kubokunun 1/8 final mərhələsinin “Gəncə” ilə oyunundan sonra klubun mətbuat xidmətinə açıqlamasında deyib.
O, məğlubiyyətin səbəblərini açıqlayıb: “Rəqib komandanı qələbə münasibəti ilə təbrik edirəm. Görünür, bizə qarşı xüsusi olaraq hazırlaşıblar. Komandamıza gəldikdə isə əsas oyunçular zədəli olduğuna görə, rotasiyada böyük problemlər yaşadıq. Ribaundlarda və atışlarda “Gəncə” bizdən üstün oldu və nəticə də göz qabağındadır”.
Qeyd edək ki, Gəncə İdman Sarayında baş tutan "Gəncə" - "Ordu" qarşılaşmasında qonaqlar 62:81 hesabı ilə uduzublar.
İdman.biz
