Bakı, 29 yanvar, AZƏRTAC
Kişi voleybolçular arasında Yüksək Liqada növbəti oyunlar keçirilib.
AZƏRTAC xəbər verir ki, Gənclər və İdman Nazirliyinin Voleybol Mərkəzində VIII turun iki qarşılaşması baş tutub. Hər iki oyunda 3:0 hesabı qeydə alınıb. “Neftçi” MOİK-i, “Murov Az Terminal” isə “Gənclər” komandasını quru hesabla məğlub edib.
Qeyd edək ki, VIII turun son oyunu yanvarın 30-da keçiriləcək. GİN-nin Voleybol Mərkəzində “Azərreyl” və “Xilasedici” kollektivləri üz-üzə gələcəklər.
