"Mançester Yunayted"in qapıçısı Andre Onana Avropa Liqasında yaxşı çıxış etməyin vacibliyindən danışıb.
90deqiqe.Az xəbər verir ki, "UtdDistrict" təcrübəli qolkiperin dediklərini belə çatdırıb.
“Düşünürəm ki, biz Avropa Liqasını qazanmalıyıq. Komandamızda hər kəs bunun növbəti mövsüm Çempionlar Liqasına düşmək üçün əla fürsət olduğunu başa düşür, ona görə də bu məqsədə çatmaq üçün əlimizdən gələni edəcəyik. Finalın harada keçiriləcəyini artıq bilirik və buna bütün gücümüzü sərf etməliyik. Ancaq İngiltərə Kuboku da, Premyer Liqa da vacibdir, biz burada mümkün qədər yüksək nəticə göstərməyə çalışacağıq”
“Qırmızı şeytanlar” son turdan əvvəl ikinci ən yüksək Avropa Kubokunun ümumi cədvəlində dördüncüdür.
