Bir neçə həftə əvvəl Madrid “Real”ının cinah oyunçusu Vinisius Junior evində komanda yoldaşları üçün şam yeməyi təşkil edib.
Futbolpress.az xəbər verir ki, Arda Gülerlə İsa Valyexo tədbirdə iştirak edə bilməyib. Qonaqlar arasında Madrid klubunun sabiq müdafiəçisi Serxio Ramos da olub. Axşam isti əhval-ruhiyyədə keçib və oyunçular Vinisiusun dostluğuna heyran qaldılar.
24 yaşlı cinah oyunçusu komanda yoldaşlarını ilk dəfə təəccübləndirmir. Vinisius FIFA-nın 2024-cü ilin ən yaxşı oyunçusu seçildiyi “The Best” mükafatlandırma mərasimindən sonra bütün komanda üzvlərinə Louis Vuitton çamadanları bağışlayıb.
