Almaniyanın küçələrində həmin ölkənin federal kansleri Olaf Şolzun Adolf Hitlerə bənzər bığlı təsvir olunduğu plakatlar peyda olub. Busaat.az xəbər verir ki, bu barədə T-Online məlumat yayıb. Hazırda xatırladaq ki, Almaniyada növbədənkənar parlament seçkilərinin seçkiqabağı dövrüdür və müxtəlif partiyalar tərəfindən yerləşdirilən və ya quraşdırılan bir çox plakatlar sadəcə olaraq müxtəlif qeydlərlə və ya başqa üsullarla vandallaşdırılır.
Xristian-Demokratik Birlik partiyasının plakatına kimsə “Almaniyanı yalnız “Almaniya üçün Alternativ” partiyası xilas edəcək” yazıb, Şolz təsviri olan plakatda isə Hitlerin bığları çəkilib əlavə edilib. Hüquq-mühafizə orqanları xəbərdarlıq edir ki, bu cür hərəkətlərə görə bir şəxs cərimələnə və ya iki ilədək həbs cəzasına məhkum edilə bilər, lakin bu, siyasi ehtiraslardan qaynaqlanan bir çox almanları çəkindirmir.
