“Qarabağ” bu gün Avropa Liqasında sonuncu oyununu keçirəcək

“Qarabağ” bu gün UEFA Avropa Liqasının əsas mərhələsində sonuncu oyununa çıxacaq.

Adalet.az xəbər verir ki, Azərbaycan çempionu VIII tur matçında Yunanıstanın “Olimpiakos” kollektivinin qonağı olacaq.

Pireydəki “Georgios Karaiskakis” stadionunda keçiriləcək görüş Bakı vaxtı ilə saat 00:00-da başlayacaq.

Qarşılaşmanı rumıniyalı FIFA referisi Radu Petresku idarə edəcək.

Hazırda “Qarabağ” turnir cədvəlində 3 xalla 34-cü, Yunanıstan təmsilçisi isə 12 xalla 12-ci pillədə qərarlaşıb.