"Qanun" nəşriyyatında yazıçı Səyadulla Kərimlinin “Balalara töhfə” adlı yeni kitabı işıq üzü görüb.
Bu barədə Bakupost.az -a yazıçı özü məlumat verib.
O bildirib ki, bir neçə kitabın müəllifi olsa da, bu, ən dəyərli əsərlərimdən biridir:
""Balalara Töhfə" adını ona görə seçdim ki, bu kitab uşaqlara hədiyyə kimidir. Əminəm ki, uşaqlar üçün stolüstü kitab olacaq. Burada kiçik yaşlı məktəblilər üçün nağıllar, hekayələr, həmçinin şeirlə yazılmış tapmacalar yer alıb. Mənə elə gəlir ki, həm satışı yaxşı olacaq, həm də nəşriyyat üçün faydalı olacaq. Təbii ki, kitabın çap xərclərini nəşriyyat qarşıladı", - deyə yazıçı qeyd edib.
Qeyd edək ki, Səyadulla Kərimli Bakı Dövlət Universitetinin Filologiya fakültəsini bitirib. O, “Azərnəşr”də redaktor, “Zəka” jurnalında məsul katib və baş redaktor, “Respublika” qəzetində və Lider TV-nin dublyaj redaksiyasında redaktor kimi fəaliyyət göstərib. Yazıçı 10-dan çox kitabın, mətbuatda dərc olunmuş 300-dən artıq oçerk, elmi-publisistik, dini və digər yazıların müəllifidir.
Lalə, BakuPost
