Beyləqan rayon İcra Hakimiyyətinin saytında yer alan bir məlumat İmişli rayon Ağsaqqallar Şurası olaraq qəlbimizi qürur və fərəh hissləri ilə doldurdu! 24 yanvar 2025- ci il tarixdə Beyləqan rayon icra hakimiyyətinin Başcısı çox hörmətli cənab Əziz Əzizov Beyləqan ağsaqqalları ilə növbəti təntənəli görüş keçirib !
Respublikamızın dörd müxtəlif rayonlarına rəhbərlik etmiş cənab Əziz Əzizovun Milli -Mənəvi dəyərlərin Qızıl fondu olan Ağsaqqallara göstərdiyi diqqət və qayğısı, hörmətli Əziz Əzizovun min illərlə daşıyıcısı olduğumuz ənənəvi dəyərlərin ciddi-cəhdlə qorunması, Qərbin ixrac etməkdə israrlı olduğu qeyri-ənənəvi "dəyərlər"in rədd edilməsi istiqamətində dövlətimizin tutduğu konstruktiv mövqeyə sadiq qalmasının, malik olduğu zəngin dövlətçilik təcrübəsindən yararlanaraq digər həmkarlarına nümunə ola biləcək qabaqcıl fəaliyyət sərgiləməsinin bariz nümunəsidir.
İmişli rayon Ağsaqqallar Şurasının İdarə Heyəti və çox saylı üzvləri hörmətli cənab Əziz Əzizovun tutduğu bu müstəsna xətti-hərakatı alqışlayır və müdafiə edir! Şura üzvləri adından və öz adımdan cənab Əziz Əzizova həyatda ən şirin nemət olan can sağlığı arzulayır, xalqımızın və dövlətimizin daha da inkişafı və çiçəklənməsi yolunda daha böyük nailiyyətlər diləyirəm!
Saleh Səmədov,
İmişli rayon Ağsaqqallar Şurasının sədri
