Bakı, 31 yanvar, AZƏRTAC
Bu gün Misli Premyer Liqasında XXI tura start veriləcək.
AZƏRTAC xəbər verir ki, ilk oyunun günündə iki qarşılaşma keçiriləcək.
Turnir cədvəlinin sonuncu pilləsində qərarlaşan “Kəpəz” Tovuzda “Sabah”ı qəbul edəcək. Matç saat 16:00-da başlayacaq. Gəncə klubu 14 xalla 10-cu, qonaqlar isə 28 xalla 5-ci pillədə qərarlaşıb.
Günün ikinci görüşündə “Neftçi” saat 18:30-da “Neftçi Arena”da “Şamaxı”nı qəbul edəcək. "Ağ-qaralar" 18 xalla 7-ci, bölgə təmsilçisi isə 17 xalla 8-ci pillədə qərarlaşıb.
Qeyd edək ki, XXI tura fevralın 2-də yekun vurulacaq.
