1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiya Prezidenti Vladimir Putinlə amerikalı həmkarı Donald Tramp arasında görüş ABŞ ərazisində baş tuta bilər.
Oxu.Az xəbər verir ki, bu barədə "Daily Storm" Kremlin rəsmi nümayəndəsi Dmitri Peskovun bəyanatına istinadən məlumat verib.
Rusiya dövlət başçısının mətbuat katibinin sözlərinə görə, gələcək danışıqların yerinin ciddi əhəmiyyəti yoxdur.
"Əsas odur ki, görüş yaxşı hazırlanmalıdır", - Peskov bildirib.
Qeyd olunur ki, Türkiyə, Serbiya və BƏƏ hökumətləri artıq müvafiq görüşün təşkil edilməsini təklif ediblər. Onun nə vaxt baş tutacağı ilə bağlı hələlik məlumat yoxdur.
