Türkiyə prezidenti Rəcəb Tayyib Ərdoğanla ABŞ prezidenti Donald Tramp Ağ Evdə, ehtimal ki, aprelin sonlarında görüşəcəklər.
Publika.az xəbər verir ki, bu barədə “Bloomberg” məlumat yayıb.
Bildirilir ki, Türkiyə Ukrayna və Suriya kimi məsələlərdə vasitəçilik etməyə çalışarkən, Ərdoğan Ankara ilə Vaşinqton arasında daha güclü strateji tərəfdaşlığı regional sabitlik üçün vacib hesab edir.
Məqalədə qeyd olunur ki, ABŞ Avropa qarşısında öhdəliklərini yenidən qiymətləndirdiyi üçün Türkiyənin NATO-nun onurğa sütunu kimi rolu xüsusilə vacibdir.
ABŞ və Türkiyə arasındakı əlaqələr Ankaranın Rusiyadan raket əleyhinə müdafiə sistemi alması və Vaşinqtonun Türkiyənin ölkə üçün təhlükə olaraq gördüyü suriyalı kürd terrorçulara dəstəyi və digər mübahisələrə görə gərginləşib.
