“Qornik Leçna”nın futbolçusu Sebastyan Şitnievski həbs cəzası ala bilər.
Publika.az xəbər verir ki, o, sevgilisinə fiziki və mənəvi təzyiq göstərməkdə ittiham olunur. Bu barədə “Sportowefakty.wp.pl” məlumat yayıb.
Sebastyan martın 25-də Lüblin şəhərindəki mənzildə saxlanılıb. Gecəni həbsdə keçirdikdən sonra rayon prokurorluğa aparılıb. Ona qarşı ittiham irəli sürülüb. Şitnievskini 3 aydan 5 ilə qədər həbs gözləyir.
Şübhəli günahını etiraf etməyib və həmin gün ev dustaqlığına buraxılıb. Futbolçu polis nəzarətindədir. Bundan əlavə, qurbana 50 metrdən az məsafədə yaxınlaşa bilməz.
