Mahir Emreli Almaniya 2-ci Bundesliqasında növbəti məğlubiyyət acısını yaşayıb.
Sportinfo.az xəbər verir ki, azərbaycanlı hücumçunun formasını geyindiyi "Nürnberq" öz meydanında uduzub.
28-ci tur çərçivəsində keçirilən oyunda nürnberqlilər "Hamburq"a 0:3 hesabı ilə məğlub olublar.
Emreli 57-ci dəqiqədə meydana çıxmaq şansı qazanıb. O, 78-ci dəqiqədə sarı vərəqə ilə cəzalandırılıb.
Ardıcıl ikinci dəfə uduzan "Nürnberq" 41 xalla 9-cu pillədə qərarlaşıb.
