Rusiyanın Krasnoyarsk vilayətində hüquq-mühafizə orqanlarının əməkdaşları azərbaycanlı milyonçu Rəşad Həsənovun Şimal magistralında yerləşən tərəvəz anbarına basqın ediblər.
Bizim.Media xəbər verir ki, bu barədə “Kras Mash” teleqram kanalı məlumat yayıb.
Bildirilib ki, Şimal şossesində yerləşən AHV müəssisəsindən 20 miqrant çıxarılıb. Onlardan 6 nəfəri hərbi komissarlığa göndərilib, daha 3 nəfər isə qanun pozuntularına görə ölkədən deportasiya olunacaq.
Məlumata görə, milyonçunun sərəncamında bir neçə şirkət var. AHV-TRANS Krasnoyarsk bölgəsində ən böyük nəqliyyat şirkətlərindən biri hesab olunur.
İş adamı regionun ən bahalı dövlət nömrə nişanlarından birinə malik “Rolls-Royce” markalı avtomobil sürür. Bu nömrə 1998-2002-ci illərdə Krasnoyarsk vilayətinin qubernatoru Aleksandr Lebedin xidməti “Volqa”sında olub.
Bizim.Media
