Brüsseldə keçiriləcək görüşdə NATO xarici işlər nazirləri Ukrayna ərazisində qeyri-hərbi missiyanın yaradılmasını müzakirə edəcəklər.
Editor.az xəbər verir ki, bunu Polşa radiosunun efirində Polşanın xarici işlər naziri Radoslav Sikorski deyib. Onun sözlərinə görə, görüşün mövzusu “Ukrayna, Rusiyanın Ukraynanı neoimperialist işğalı”, alyansa üzv ölkələrin Kiyevə yardımı və Ukraynada qeyri-hərbi NATO missiyası ilə bağlı qərarın qəbulu imkanları olacaq.
Sikorski vurğulayıb ki, belə bir missiya Şimali Atlantika Alyansının resurslarından Ukrayna Silahlı Qüvvələrinin əsgərlərinə təlim keçmək, NATO-nun maddi-texniki bazasından və digər birgə elementlərdən istifadə etmək imkanı verəcək. “Bu, Ukraynaya qarşı mübarizəyə əhəmiyyətli təkan ola bilər”, – Polşa Xarici İşlər Nazirliyinin rəhbəri deyib.
Qeyd edək ki, martın 26-da Macarıstanın xarici işlər naziri Peter Szijyarto bildirmişdi ki, NATO-ya üzv ölkələr adından Ukraynaya qoşun yeridilməsi ehtimalı ilə bağlı bəyanatlar üçüncü dünya müharibəsi riskini yaxınlaşdırıb.
//Gülnarə Abasova, Editor.az
