“Mən “Crocus City Hall”da baş verən terror aktı ilə bağlı Putinə zəng edərdim”.
Yeniavaz.com xəbər verir ki, bunu ABŞ-nin keçmiş prezidenti Donald Tramp radio aparıcısı Hyu Hyuittə müsahibəsində deyib.
Bununla belə, eks-prezident dəqiqləşdirməyib ki, o, nə üçün Rusiya liderinə zəng edərdi: Terror aktı ilə bağlı xəbərdarlıq etmək üçün, məlumat çatdırmaq üçün, yoxsa başsağlığı vermək üçün?
Qeyd edək ki, martın 22-də axşam saatlarında Moskva yaxınlığındakı Krasnoqorskdakı “Crocus City Hall” binasında terror aktı törədilib. Son məlumatlara görə, terror aktı nəticəsində 144 nəfər ölüb, 551 nəfər yaralanıb. Terror aktı ilə bağlı 10 nəfər həbs edilib. Rusiya İstintaq Komitəsi terror aktını həyata keçirənlərin Ukrayna millətçiləri ilə əlaqəsini sübuta yetirdiklərini bəyan edib.