Ümumdünya Səhiyyə Təşkilatı (ÜST) Tanzaniyada "Marburq" virusundan 8 nəfərin öldüyünü açıqlayıb.ÜST-dən verilən açıqlamada Tanzaniyada ölümcül "Marburq" virusundan 8 nəfərin öldüyü bildirilib və epidemiyanın ölkə və bölgədə daha da yayıla biləcəyi xəbərdarlığı edilib.Açıqlamada Tanzaniyanın Kagera bölgəsində başlayan "Marburq" virusu epidemiyası ilə bağlı üzv ölkələrin məlumatlandırıldığı, 9 şübhəli yoluxmanın də araşdırıldığı bildirilib.ÜST-nin Baş direktoru Tedros Adhanom Qebreyesus da X sosial media platformasındakı paylaşımında yaxın günlərdə yoluxmaların arta biləcəyi barədə xəbərdarlıq edib.Qebreyesus qonşu Tanzaniya ölkələrinin sayıq və potensial hallara hazır olmaları lazım olduğuna diqqət çəkib və risk altında olan ölkələrin Tanzaniya ilə səyahət və ticarəti məhdudlaşdırmağı təklif edib."Ebola" virusu ilə eyni ailədən olan "Marburq" virusuna yoluxmuş insanlarda ölüm nisbəti 88 faizə çata bilər.Yarasalardan insanlara keçən virus yoluxmuş insanlarla təmas zamanı yayılır.Simptomlara qızdırma, əzələ ağrıları, ishal, qusma və bəzi hallarda həddindən artıq qan itkisi daxildir.ÜST virusa qarşı xüsusi müalicə və ya peyvəndin olmadığını açıqlamışdı, lakin bir sıra qan məhsulları, dərmanlar və immunoterapiya işlənib hazırlanmışdır.
