Türkiyədə Ümrədən gələn sərnişinləri hava limanından götürən tur avtobusunun sürücüsü idarəetmə zamanı infarkt keçirib.
News24.az xəbər verir ki, avtobus əvvəlcə qarşısındakı avtomobilə, sonra isə baryerlərə çırpılıb. Vəziyyəti görən sərnişinlər son anda avtobusu saxlayıblar.
Hadisə yerinə gələn həkim briqadaları sürücüyə ilkin tibbi yardım göstərərək onu xəstəxanaya çatdırıblar.
Qəzadan xəsarət almadan xilas olan 50 sərnişin hadisə yerinə gələn başqa bir avtobusla yoluna davam edib. İnfarkt keçirən sürücünün xəstəxanada edilən bütün müdaxilələrə baxmayaraq dünyasını dəyişdiyi öyrənilib.
Günel Məlikzadə
