İsrail qırıcı təyyarələri bazar günü qüvvəyə minəcək atəşkəsin elan edilməsindən sonra Qəzza zolağının şimalına və şəhərə aviazərbələr endirərək 23 fələstinlinin həyatına son qoyub.
Hücumlar zamanı hədəfə alınan ərazilərdə güclü partlayışlar baş verib. Sözügedən bölgələrdən qalxan sıx tüstü buludları müşahidə edilib.
Fələstin xəbər agentliyi “WAFA”nın məlumatına görə, İsrail ordusunun Qəzzadakı Şeyx Rıdvan məhəlləsinə endirdiyi hücumda 18 fələstinli həyatını itirib. Şəhərin şərqində yerləşən Əd-Dərac məhəlləsində Nebih ailəsinin evinə təşkil olunan hücumda isə 3 fələstinli həyatını itirib. Qəzza zolağının cənubundakı Xan Yunis şəhərində isə Əl-Liham ailəsinin evinə edilən hücumda 2 nəfər öldürülüb.
Qeyd edək ki, dünən axşam saatlarında İsrail ilə “Həmas” arasında Qəzzada atəşkəs və əsir mübadiləsi ilə bağlı razılığa gəlindiyi açıqlanmışdı. Razılaşmanın bazar günü qüvvəyə minəcəyi bildirilmişdi.
