Cənubi Sudanın Səhiyyə Nazirliyindən verilən açıqlamada vəba epidemiyasının ölkənin 10 əyalətindən 7-də yayıldığı bildirilib.
Açıqlamada qeyd olunur ki, oktyabr ayından bu yana vəba xəstəliyinə yoluxanların sayının 19 min 320-yə çatdığı, epidemiya səbəbindən həyatını itirənlərin sayının isə 334-ə yüksəlib.
Sherg.az xəbər verir ki, 10 dekabr 2024-cü il tarixində Cənubi Sudan hökuməti Birləşmiş Millətlər Təşkilatı (BMT) ilə əməkdaşlıq edərək ölkədə vəba xəstəliyinin yayılması hallarının artmasına qarşı vətəndaşları peyvənd etmək üçün proqrama başlayıb.
Müharibənin davam etdiyi qonşu Sudanda isə avqustun 12-də vəba epidemiyası elan edilib və yoluxma sayı 49 mini keçib.
Sudandakı müharibə səbəbindən Cənubi Sudana keçənlərin sayının 880 min civarında olduğu təxmin edilir.
