"Mançester Siti"nin baş məşqçisi Xosep Qvardiola norveçli forvard Erlinq Haalandla müqavilənin uzadılması ilə bağlı xəbərlərə münasibət bildirib.
90deqiqe.Az xəbər verir ki, jurnalist Fabrizio Romano təcrübəli çalışdırıcının dediklərini belə çatdırıb.
“Haalandın müqaviləsinin 2034-cü ilə qədər uzadılması hamımız üçün müstəsna xəbərdir! Biz onun qarşısıalınmaz olacağı şərait yaratmalıyıq - beləcə o, ən yaxşısı olacaq. Futbolçu heç kimin imzalamadığı müqaviləni [9,5 il müddətinə] imzalamağa qərar verəndə, bu o deməkdir ki, o, bu komandada nə qədər olmaq istədiyini göstərmək istəyir”
Qeyd edək ki, futbolçu ilə 9,5 il müddətinə yeni əmək müqaviləsi imzalanıb.
