ABŞ-nin yeni seçilmiş prezidenti Donald Tramp öz kriptovalyutası olan $TRUMP adlı memkoinini satışa çıxardığını elan edib.
Yeniavaz.com xəbər verir ki,bu barədə siyasətçi “Truth Social” hesabında yazıb.
“Yeni rəsmi Tramp memkoini buraxıldı. Mənim xüsusi Trump icmama qoşulun və “$TRUMP-nızı indi alın”, - deyə Tramp istifadəçilərin kriptovalyuta almaq üçün sayta daxil ola biləcəyi linki əlavə edərək, bildirib.
Memkoin satış saytının ana səhifəsində Tramp əlini qaldıran və tərəfdarlarını salamlayan obrazda təsvir edilib.
Memkoinin emblemi isə 2024-cü il iyulun 13-də ona qarşı sui-qəsd cəhdindən sonra Trampın qaldırılmış əlini təsvir edir.
