Yanvarın 18-də, saat 12:30 radələrində İmişli şəhəri, Abbasqulu Şadlinski küçəsində Dövlət Yol Polisi avtomobilinin iştirakı ilə ölümlə nəticələnən yol-nəqliyyat hadisəsinin baş verməsi barədə rayon prokurorluğuna məlumat daxil olub.
Baş Prokurorluğun Mətbuat xidmətindən Heftelik.az-a verilən mıəlumata görə, hadisə nəticəsində 2 nəfər ölmüş, əlavə 2 nəfər, o cümlədən YPX avtomobilinin sürücüsü xəsarət alıb.
Faktla bağı İmişli rayon prokurorluğunda Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki şəxsin ölümünə səbəb olduqda) maddəsilə cinayət işi başlanaraq ibtidai istintaq aparılır.
Bu arada Daxili İşlər Nazirliyi İmişlidə DYP avtomobili tərəfindən məktəblilərin vurulmasının görüntülərini yayıb. Görüntüdə hərəkətdə olan xidməti avtomobilin qarşısına “Mersedes” markalı avtomobil çıxaraq qəza şəraiti yaradır.
Qeyd edək ki, hadisə nəticəsində 2 məktəbli ölüb, 2 nəfər, o cümlədən yol polisi əməkdaşı da ağır xəsarət alıb.
Hadisə anının görüntülərini təqdim edirik:
